// //

Кыргызстан жаштары кантип климатты сактап, ал үчүн кантип 10000 доллар ута алат?

2023.05.25, 15:47
819

"ClimateScience Kyrgyzstan" долбоору ар бир кыргызстандыктын климат тууралуу сапаттуу билим алуусу үчүн иштелип чыккан. Долбоордун командасы ClimateScience санариптик климаттык билим берүү платформасын кыргыз тилине которушту.

Эскерте кетсек, климаттын өзгөрүү көйгөйү бүткүл дүйнөдө курч жана Кыргызстан климаттын өзгөрүшүнүн таасирине эң көп дуушар болгон өлкөлөрдүн бири катары эсептелет. Климаттын өзгөрүшү айыл чарбага, энергетикага, адамдардын ден соолугуна жана экосистемага таасирин тийгизет.

ClimateScience платформасы ар бир адамга климат боюнча билим берүүгө жардам берет, ошондуктан дүйнөдөгү ар бир адам климаттын өзгөрүү проблемасынын жалпы контекстти билет жана бул көйгөйдү чечүүгө катышат. Платформанын өзү дүйнө жүзүндөгү ыктыярчылар тарабынан Оксфорд жана Кембридж университеттери сыяктуу дүйнөлүк илимпоздордун жана билим берүү мекемелеринин, ошондой эле БУУнун колдоосу менен түзүлгөн. Платформа климаттын өзгөрүшү боюнча илимий жактан тастыкталган маалыматты, бүткүл дүйнөлүк коомчулук тарабынан таанылган жана негизги эрежелер катары кабыл алынган, ага ылайык дүйнө климаттын өзгөрүшүнө каршы натыйжалуураак күрөшө алат.

Санарип тиркеме балдар китептерди, 13төн ашык тема боюнча курстарды, анын ичинде айыл чарбасынан тартып, энергетика, өндүрүш тууралуу чоңдорго жана өспүрүмдөргө арналган окуутуларды камтыйт. Курстар билим берүүчү видеолорду, сүрөт (графикалар) жана статистикалар менен түзүлгөн. Мугалимдер үчүн класстарга климаттык темаларды киргизүү үчүн материалдар берилген.

Андан тышкары ClimateScience жыл сайын климаттык эл аралык олимпиада өткөрөт. Иш-чара онлайн жана бардык катышуучулар үчүн акысыз болот. Эми платформа кыргыз тилинде чыккандан кийин, бардык каалоочулар бул олимпиадага катышып, баш байге – 10 000 доллар үчүн ат салыша алышат!

Олимпиаданын биринчи этабына катталуу үчүн дедлайн - 10-июнь!

Аталган платформа англис, орус жана башка дүйнөнүн көптөгөн тилдеринде жеткиликтүү.

Долбоор Фридрих Эберттин Кыргызстандагы фондунун колдоосу менен "Кыргызстандын студенттери Жашыл экономика үчүн" коомдук уюму тарабынан ишке ашырылууда.

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт