Бул 4 ыкманы аткарсаңыз, кенелер сизди чакпайт
Салам, достор! 2023-жылдын кене сезону башталды. Дарыгерлер кене чаккан учурда адам энцефалитке (курч кармаган жугуштуу вирустук оору, борбордук нерв системасын жабыркатат) чалдыгарын эскертет. Ошондуктан, ден соолукка олуттуу мамиле жасап, негизги эрежелерди аткаруу сунушталат.
1. Атайын коргоочу костюмдарды же коргоого ыңгайлаштырылган кийимдерди кийиңиз. Кийимдер кенелердин жака жана манжеттер аркылуу ичиңизге кирип кетүүсүнө жол бербеши керек. Көйнөктүн жеңи узун болушу зарыл. Көйнөктү шымга, шымдын багалегин байпак менен өтүккө тыгып коюңуз. Башыңыз менен мойнуңузга жоолук салыныңыз.
2. Кийимдин жана дененин ачык жерлерине атайын кенеден коргоочу каражаттарыды сүйкөңүз (репелленттер). Ал дарыны колдонуудан мурун, көрсөтмөлөрдү окуп чыгуу керек экенин унутпаңыз.
3. Өз алдынча же башка адамдардын жардамы менен кийимиңизди жана денеңиздин ачык жерлерин мезгил-мезгили менен текшерип, кенелер жокпу карап, бар болсо дароо алып салыңыз.
4. Энцефалитке каршы профилактикалык эмдөөлөр эндемикалык очоктордо иштеген же аларга бара турган айрым кесиптеги адамдарга (курулуш отряддарынын студенттери жана башкалар) жүргүзүлөт.
Сизди кене чаккан учур болду беле?