Айызым келер алдын бир көкүрөгүм чымырап ооруйт. Эмне болушу мүмкүн?
Саламатсызбы! Айызым келер алдын бир көкүрөгүм чымырап ооруйт. Бул эмне себептен болушу мүмкүн?
Канымбу Каратаева
Маммолог
Саламатсызбы! Бул нерсе гормондордон көз каранды. Себеби айыз келерде организмде эстроген деген гормон көбөйөт, прогестерон азайып кетет. Прогестерон гормону жакшы жетишпегенден улам, көкүрөктө өзгөрүүлөр пайда боло баштайт. Көкүрөктөгү рецепторлор ал гормонду ашыкча алып алат дагы, анан ичиндеги бездер гормондун эсебинен чоңоюп, оорута баштайт. Булардын баары гормондон көз каранды. Бир эле тарап болсо, өтө деле коркунучтуу эмес. Гормондордон боло турган болсо, эки тарап тең оорушу керек. Бир тарабыңыз эле ооруса, ал тараптагы рецепторлор, экинчи көкүрөккө салыштырмалуу бир аз сезимтал болушу мүмкүн. Ошентсе дагы, УЗИден сөзсүз өтүңүз, балким башка себеби чыгат, сизди текшермейин эч нерсе айта албайбыз.
Маммолог Канымбу Каратаева менен инстгарамдагы mammolog.kg баракчасы аркылуу байланыша аласыз.