Тарыхка баа берүү эмне үчүн маанилүү?
Ушул күндөрү 1916-жылдагы көтөрүлүш жана Үркүн окуяларына арналган эскерүү жүрүшү уланууда. Ал. “Эсимде” изилдөө аянтчасы тарабынан уюштурулуп, Бишкектен баштадылды. Жүрүшкө аттанган 30дай жаран 1916-жылдагы трагедияларга байланышкан эс тутум жайларына таазим кылууга жөнөп кетишти. Жүрүш 5-14-август күндөрү уланмакчы. Жүрүштүн алкагындагы Орусия империясынан совет дооруна чейинки колониалдык саясатты, андан кийинки эс тутум саясатын жана жайларын изилдөө да бар. Тарыхка кайрылып, аны талапдап, кайра калчап чыгуу эмне үчүн маанилүү? Крымдык журналист, Кремлдин саясий туткуну Николай Семена: “Дүйнөдө биротоло жазылган тарых жок. Ар бир муун өзүнүн тарыхын тереңдетип казууга акылуу. Кремль өздөрүнүн да, биздин да тарыхыбызды биротоло жазып койгонуна ишенет жана алар үчүн аны кайра карап чыгуу калптын, фальсификациянын бетин ачуу менен коштолот. Андыктан, алар муну каалабайт, а биз болсо бул процессти тездетүүбүз керек”, - деп жазган.