Жетекчим көңүлдөш бол дейт
2018.04.23, 14:24
1196
Жетекчим “менин ойношум болосуң” деп кыйнап жатат болбосо “өзүнүн ишин так аткара алган жок деп жумуштан кууйм” дейт. Эмне кылсам болот?
Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
23.04.2018, 14:33
Нурислам Раимжанов
юрист
Кандай гана учур болбосун жетекчинин мындай төмөн, эркек кишиге жийиркеничтүү болгон талабына каршы туруңуз. Ошондой эле сиз өз жумушуңузду таштабаңыз, анткени сиз кетсеңиз ал жетекчи башка жумушчуга да өзүнүн жийиркеничтүү талабын коюусу мүмкүн ал болсо сизге окшоп эрктүү болбошу ыктымал. Ошондуктан бул жетекчи менен өзүңүз күрөшүңүз.
Кантип десеңиз? Анда сиз төмөндөгүчө иш жүргүзүңүз:
- Жетекчиңизге “Мен Кудайдан коркомун, ошондуктан сиз менен ойноштук кылууга эч бир учурда макул болбойм” деп айтыңыз.
- Жетекчиңиз менен жалгыз калып калбагандай иш жүргүзүңүз, сиздин жаныңызда жетекчиден башка дагы үчүнчү киши болсун. Сиздердин жеке сүйлөшүп калууңузга шарт түзүлбөсүн.
- Эгерде жетекчиңиз дагы бир жолу өзүнүн талабын айтса, сиз кол телефонуңузга анын бул талабын жаздырып алыңыз. Кийин кереги тийет.
- Сизден жетекчи талап кылып жаткан нерсе жөнүндө жакындарыңызга айтыңыз жана прокуратурага же милицияга арыз менен кайрылыңыз.
0
Пайдалуу жооп