Эмнеге эртең менен турсаңыз шишип каласыз? 4 себеп
Салам, достор! Сыртта күн ысып жатат. А сиз шишип, салмагыңыз бирде түшүп, бирде көтөрүлүүдө. Кабатыр болуудасызбы? Анда биз эмнеге дене шишип каларын айтып беребиз. Эскертүү, биз олуттуу эмес себептерге гана токтолдук.
Көп баспаган бут шишийт
Ооба, көп баспаган бут шишийт. Мисалы, узак жол жүргөндө же учакта көпкө отурганда кыймыл аз болуп, натыйжада бут шишийт. Себеби кыймалдабаган денеде микроциркуляция бузулат. Суюктук жакшы өтө албай баштайт.
Ысыктан
Күн өтө ысыкта организм өзүн ысып кетүүдөн коргош үчүн суюктукту чыгарбай кармай баштайт. Күн ысыкта дене бат-бат тердеп, ысыктан кутулууну көздөйт. Тер буулганда дене муздайт. Ошондуктан организм тердегенге керек деп суюуктукту чыгарбай кармап турат. Анан дене шишийт.
Ашыкча салмакта
Денеде канчалык көп май болсо, ал ошончолук көп шишийт. Андыктан, ашыкча салмагы бар адамдар көп шишийт. Тактап айтканда, май канчалык көп болсо, шишүү ошончолук чоң болот.
Суу-туз балансы бузулганда
Бул жерде баары оңой, мурдагы күн ачуу же туздуу жеп, анан көп суу ичкенде, эртеси күнү дене шишип калат. Бул жерде баары оңой, бир күндөн кийин балансталып, баарына ордуна келип калат.
Бул себептер таанышпы?