Дебатчы болгусу келгендерге 10 кеңеш
Нурайым Шамырканова - Борбордук Азиядагы IDEAнын долбоорлор координатору, 2011 - жылдан бери дебаттардын активдүү катышуучусу.
Нурайым түз эфирибизде конокто болуп, ийгиликтүү дебат оюнчусу болуунун сырлары менен бөлүштү.
1. Дебат - өзүңдү-өзүң көрсөтүү, ораторлук чеберчилик, критикалык ой-жүгүртүү, адамдар менен баарлашуу, уга билүү маданиятын калыптандырат.
2. Дебатка катышып эле тим болбюостон, аны жашоодо пайдаланганды да билүү керек: адамдар менен байланышууда, өзүңөрдү тааныштырууда ж.б.
3. Дебат - маселенин баардык тарабын карап, чечим чыгарууну үйрөтөт.
4. Дебатка катышкан адамда жарандык позиция, активдүүлүк калыптанат.
5. Көп сүйлөбөгөндөр дебатка келгенде, бир-эки оюндан кийин толкундануу сезимдеринен арылып, өз оюн эркин билдирип калышат.
6. Дебат - жөн гана талашып-тартышуу эмес!
7. Каршылашты жеңүү үчүн идеяга басым жасап, ойду туура жеткирүү керек.
8. Мыкты дебатчы болгуңуз келсе эл аралык жаңылыктарды окуп, көп издениңиз.
9. Убакытты үнөмдөө үчүн ар бир оюңузду канча мүнөттө айтарыңызды жазып алыңыз.
10. Баштаган ишиңизди чыдамкайлык менен аягына чыгарсаңыз ийгиликти багынтасыз!